Lugar: Auditorio Municipal Gustavo Freire
Idade recomendada: Todos os públicos

Sinopse:

Idi Begi (Proyecto Larrua)
No País Vasco, o Idi-Probak consiste en utilizar bois para arrastrar pedras. Inspirados nesta práctica tradicional, os bailaríns mergúllanse no corpo do animal para contar a dureza do traballo, a loita pola supervivencia, o desexo de liberdade e ese vínculo, ambivalente e constante, entre o ser humano e o animal.Proyecto Larrua - Idi Begi Desde os albores do sedentarismo, o ser humano alixeirou o seu traballo grazas á axuda dos animais. Proxecto Larrua adopta o punto de vista dun boi para, a través da danza, mudar a mirada, cuestionar este vínculo doméstico e falar dun mundo rural que desaparece.
No País Vasco, o Idi-Probak consiste en utilizar bois para arrastrar pedras. Inspirados nesta práctica tradicional, os bailaríns mergúllanse no corpo do animal para contar a dureza do traballo, a loita pola supervivencia, o desexo de liberdade e ese vínculo, ambivalente e constante, entre o ser humano e o animal.

Contido (Companhia dança Almada)
As regras impostas pola sociedade, polas que interaccionamos uns cos outros, domésticannos.
Crean tendencias, hábitos, que moitas veces nos fan perder a capacidade de cuestionar. Convértense nun dato adquirido. Fican tan intrínsecos na nosa maneira de pensar e de estar que nos cegan e limitan a exploración e a conexión coa nosa natureza.
Do que sentimos, dos nosos instintos tamén ligados aos nosos devanceiros, sobresaíe o noso lado animal e máis salvaxe.

Proserpina (La mínima)
Proserpina. Non lembro como era eu ao principio, cando case non sabía nada. Pero a miña sensación é que era primavera. Lembro mellor por que deixei de ser así… cando coñecín máis cousas. Agora non me recoñezo.
Proserpina é un solo de danza contemporánea cuxa esencia é a espontaneidade do movemento e a apertura e adaptabilidade do corpo en relación ao impulso, ao estímulo, á sensación percibida polos sentidos.

Portrait (ZigZag)
Portrait expón ante o público o reto de subir ao escenario. Afonda nas motivacións e nos medos do intérprete, porque a soidade en escena é unha soidade diferente ás demais. Dirixida e interpretada por Miguel Quiroga, a peza explora esa “situación forzada e voluntaria de exposición persoal ante un público que agarda recibir”.

CONDICIÓNS

• Adquisición de entradas a través do portal web entradaslugo.es e na Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.
• Non se permitirá o acceso á sala unha vez comenzada a función, nin con comida e bebida.
• Prohíbese a toma de fotografias e gravación do espectaculo, tanto no que se refire a son como imaxe, a escepción dos medios gráficos previamente autorizados.
• Data de posta á venda 14/10/2025 as 16:00h.