Dirección

Jaime Pablo Díaz

Elenco artístico

Voz e música en vivo: Rosa Cedrón;

Bailaríns: Estefanía Gómez, Inéis Vieites Veiras, Iván Villar, César Louzán, Pablo Sánchez e Ricardo Fernández.

O corpo e a terra estreitan os seus lazos nun espectáculo de danza e música que nos transporta á dura beleza dos labores do campo. A muller no centro desta conexión telúrica; día e noite, xornada tras xornada repetida nunha sucesión inesgotable de estacións. O sol e a choiva, o vento xeado, crúas paisaxes de intemperie habitadas unicamente por unha coreografía humana de apeiros de labranza, de corpos que cargan e arrastran, que danzan entre os regos arados na terra. Pero Leira é tamén a sinxela alegría do traballo feito coas mans, coa valentía do corpo a corpo. A celebración dunha Galicia intemporal e máxica.