Lugar: Auditorio Fuxan os Ventos
Idade recomendada: A partir dos 13 anos

Descripción:
O programa incluirá obras de Chopin, Brahms e Rachmaninov.

Para celebrar os 25 anos da declaración da Muralla de Lugo como Patrimonio Mundial pola UNESCO, o Concello de Lugo presenta un concerto extraordinario co pianista James Rhodes, unha das figuras máis carismáticas e singulares da música clásica contemporánea.

Asiste a un concerto único de James Rhodes, “o enfant terrible da música clásica”. O pianista español nacido en Gran Bretaña, coñecido polo seu carisma, talento e estilo de stand-up no escenario, ofrece unha experiencia diferente aos recitais tradicionais.

Nos seus concertos, Rhodes interactúa directamente co público, falando das obras que interpreta, por que as escolleu e o contexto no que se compuxeron. Ademais, comparte a historia da súa vida e como a música, en especial a de Bach, lle axudou a superar obstáculos. Interpreta pezas de compositores como Bach, Chopin, Rachmaninov, Schubert e Beethoven.

James Rhodes é un apaixonado da música clásica que se converteu nun importante divulgador a nivel mundial. A súa carreira despegou en 2009, cando o seu primeiro mánager o animou a gravar o seu primeiro CD. Desde entón publicou numerosos álbums e libros, incluído o seu exitoso libro Instrumental. Memorias de música, medicina e tolemia, e actualmente ten o seu propio programa na SER, “En Clave de Rhodes”.

O seu particular estilo permitiulle atraer novos públicos, actuando en festivais de música pop e en recintos pouco convencionais, así como nas principais salas de concertos internacionais: Koerner Hall (Toronto), Elbphilharmonie (Hamburgo), Queen Elizabeth Hall (Londres), Liceu (Barcelona), Musikverein (Viena), Teatro Real (Madrid), The Barbican (Londres) e moitas máis, desde Australia ata Hong Kong

CONDICIÓNS

• Adquisición de entradas a través do portal web entradaslugo.es e na Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.
• Non se permitirá o acceso á sala unha vez comenzada a función, nin con comida e bebida.
• Prohíbese a toma de fotografias e gravación do espectaculo, tanto no que se refire a son como imaxe, a escepción dos medios gráficos previamnete autorizados.